Habitat ilk növbədə biologiya olmaq üzrə təbiət elmləri sahəsində azərbaycan dilində əskik olan fundamental əsərlərin tərcüməsi layihəsidir. İctimai fayda əsasında fəaliyyət göstərən, ticari məqsədi olmayan qurumun amalı sözügedən sahələrə böyük həcmli kitabların tərcümə etməkdir. Hazırda Campbell Biologiya, Thieman və Palladino tərəfindən yazılmış Biotexnologiyaya Giriş kitablarının tərcüməsi gedir. Növbəti planlar genetika, mikrobiologiya, heyvan/insan fiziologiyası mövzusunda təməl əsərləri tərcümə etməkdir.
Habitat komandası bütün cəmiyyətə faydalı, biologiyanın təməl kitabları üzərində, nöqtə-vergülünə qədər detallı iş ortaya çıxarmaq istəyən, tənqidə açıq, öyrənib-öyrənmək istəyən, təcrübəli, təcrübəsiz olsa belə, ən önəmlisi, həvəsli yeni üzvlər axtarır.
Komandamızı yeni tərcüməçi, elmi redaktor, ədəbi redaktor, korrektor, dizayner, layihə təşkilatçısı, planlamaçı və terminologiya araşdıracaq bioloqlar ilə genişlətmək istəyirik. Sosial layihə büdcəsi ilə işləyən Habitat, işçilərinə əməyinin haqqını vaxtı-vaxtında və haqqıyla ödəməyə çalışanr qurumdur.
2015-ci ildə, Elmi-Spektr jurnalı çərçivəsində Habitat Tərcümə Layihəsi adı altında, Ərtoğrul Alışbəyli və Araz Zeyniyevin təkan verdiyi iş, Campbell Biologiya kitabının bu gün də davam edən tərcümə işi ilə başlamışdır. Bir ilə yaxındır müstəqil bir quruma olaraq, Habitat Tərcümə MMC adı altında işləyən Habitat, biotexnologiyaya giriş kitabı ilə hazırda 2 kitabın tərcüməsi ilə məşğuldur. Gələn il başqa böyük həcmli təməl biologiya kitabı, xüsusilə genetika, heyvan, insan fiziologiyası, mikrobiologiya kimi mövzularla əhatə dairəmizi genişlətməyi planlayırıq.
About Habitat Project
“Habitat Tərcümə” MMC is an organization that has been involved in translation of modern, cutting-edge fundamental textbooks into Azerbaijani language in the field of biology based on community funding. We have been involved in the translation of Campbell Biology and have delivered a significant part of it for the use of the general community.
The organization’s staff consists of professional biologists, translators, book designers, coordinators, students and project management experts.
HABİTAT 